Заменик министерот за надворешни работи на Босна и Херцеговина, Јосип Бркиќ, оствари средба со претседавачот на ОБСЕ и министер за надворешни работи на Република Полска, Збигњев Рау.
Бркиќ рече дека тој и Рау разговарале за важноста од продолжување на мултилатералната соработка во поглед на безбедносните предизвици во Европа.
„БиХ придонесува и ја истакнува важноста на теренските мисии на ОБСЕ. Со текот на годините, ОБСЕ и помагаше и продолжува да и помага на БиХ. Во контекст на измената на изборниот закон, мисијата на ОБСЕ е неизмерна. Тие и помагаат на БИХ да дојде до решение кое се надеваме дека ќе се зајакне по изборите и дека наскоро ќе имаме изборно законодавство“, вели Бркиќ.
Рау додава дека му е драго што Босна и Херцеговина е посветена на евроатлантските интеграции, а ќе разговара и со членовите на колегиумот на овој дом на државниот парламент, како и со граѓанскиот сектор.
„Мораме да ги спречиме сегашните поделби во јавниот дискурс во Босна и Херцеговина. Ајде да видиме како да ја подобриме функционалноста на државата БиХ. Во наш интерес е да избегнеме ескалации и вашата земја да остане безбедна земја во иднина“, нагласува Рау.
Соговорниците додадоа дека меѓународната заедница смета дека Босна и Херцеговина нема алтернатива и дека е важно да се оди на неопходните реформи и да се игнорираат поделбите. Рау вели дека и Полска ја поддржува БиХ преку својата воена мисија, но не открива дали, како и Германија, ќе испрати дополнителен број војници во БиХ.
„Полска е активна на овој план, неопходно е да ги интензивираме нашите контакти и соработка“, додава Рау
Во БиХ нема консензус за членство во НАТО алијансата, но има консензус за соработка.
„Ние го интегрираме нашиот систем во НАТО, преку трговија, владеење на правото. Така соработката беше оценета како висока. Кога ќе бидеме подготвени во Босна и Херцеговина да разговараме за пристапувањето во оваа алијанса, ќе го сториме тоа. „Во овој момент не треба да размислуваме, но сигурно е дека безбедносниот простор е нарушен по руската агресија врз Украина“, рече Бркиќ.
