Никола Јокиќ ги предводеше Денвер Нагетс до првата титула во историјата на клубот во НБА. Србинот беше прогласен и за најкорисен играч на финалната серија (МВП).
Момчето од Сомбор е и најслабо рангираниот пик од драфтот, кој стигна до ласкаво признание во финалната серија. Србинот беше избран како 41. пик од Денвер во 2014 година.
Јокиќ во интервјуто по освојувањето на титулата се потсети на таа ситуација со водителката. Интересно е што во моментот кога Никола беше избран од Денвер се пуштаа реклами, за да не се емитува моментот кога Нагетс го избраа српскиот ас, кој се покажа како еден од најдобрите избори во историјата на НБА. .
„Тие не веруваа во дебелото момче. Изгледа успеав. „Никогаш не се обложуваш против дебел човек“, се присети Јокиќ на таа ситуација.
Јокиќ во финалната серија против Мајами имаше просек од 30,2 поени, 14 скока и 7,2 асистенции.
