Српската пејачка Јелена Карлеуша во саботата полета од Бања Лука за Будва со авион во сопственост на Владата на Република Српска.
Имено, Карлеуша во саботата со почеток во 19 часот настапи на плоштадот во Челинац, по што се упати во Будва, за да одржи уште еден настап.
Карлеуша сподели видео на Инстаграм од нејзиното влегување во авион „цесна“ со регистарски број E7-SBA во сопственост на РС по концертот во Челинац, пишува „Аваз.ба“.
„Благодарам на сите во Бања Лука и општина Челинац. Какво добредојде, каква организација, какви прекрасни луѓе! Останав без зборови! Вака се дочекува, сака и почитува гостин! А, сега на аеродром, па до Црна Гора, дали сте подготвени?“, напиша Карлеуша на Инстаграм.
Небојша Вукановиќ, пратеник во Народното собрание на Република Српска, ја критикуваше Владата на Република Српка откако протекоа информации дека пејачката Јелена Карлеуша летала со владин авион од Бања Лука за Будва.
