Три кореографии на автори од Италија, Романија и Словачка ќе се изведат вечерва на фестивалот Танц Фест 2023, во Младинскиот културен центар со почеток во 20 часот.
Првата кореографија под наслов „Дали е реално?“ е во кореографија на Гилда Федерика Цесарио, од Италија, видео материјалите се на Андреа Базиле, а настапуваат: Мартина Тондо, Росела Донато, Данило Скалинчи, Антонио Панарити и Дениз Камаса.
Следната кореографија „OPUS I-IV“ во продукција на УНАГЕ од Романија е во режија и кореографија на Сандра Мавхима, а настапуваат танчерите Хуан Круз Луке, Алина Постолаче, Бјанка Секриеру, Илинка Агафитеи,Ана Ван Харен.
„OPUS I-IV“ е инспириран од кратките апстрактни анимирани филмови создадена од сликарот и режисер Волтер Ратман (1887-1941), како кореографија на потсвесното искуство, поврзано со неговиот реален живот. Претставата „OPUS I-IV“ е создадена по практично истражување на кореографски јазик во експерименталните филмови создадени на почетокот на XX век, симболични за историјата на апстрактна уметност.
Трета кореографија „Lud:Us“ е со концепт и кореографија на Јакуб Черулик, гостин од Словачка, а тој е и изведувач на кореографијата.
– „Lud:Us“ е онтолошко уметничко дело, каде основните елементи, методите, тактиките и стратегиите на современиот танц (заснована на анализата на движењето на Лабан) и танцовата изведба се поделени на карти за игра, кои му даваат на играчот опции или прашања што го водат до инструкции изведувачот за тоа што треба да прави и како треба да го направи тоа – вели кореографот Черулик.
