Израелската војска во понеделникот вечерта соопшти дека стотици милитанти на Хамас биле заробени, а стотици биле убиени во Појасот Газа и покрај израелската гранична ограда, додека Хамас се закани дека ќе одговори на израелските напади врз Појасот Газа со убивање заложници.
Вооружени лица на Хамас ја пробија оградата од Газа во саботата, убивајќи израелски војници и цивили и зедоа десетици заложници назад во крајбрежната енклава. Израел одговори со најтешкото бомбардирање на Газа и може да размислува за копнен напад на територијата од која се повлече пред речиси две децении по 38 години окупација.
Полковник на израелската армија загина во судири на границата со Либан
Израелската армија рано утринава соопшти дека нејзин висок функционер загинал во судирите на северната граница на Израел со Либан.
Беше наведено дека е убиен полковникот Алим Абдалах, но не беше прецизирано под кои околности.
Палестинските екстремисти се инфилтрираа од Либан во Израел, што предизвика израелско гранатирање на јужен Либан. Либански Хезболах соопшти дека пет членови на проиранската организација биле убиени и возвратиле со истрелување ракети и минофрлачки гранати врз две израелски воени бази преку границата.
