Израелската армија извести дека за шест минути бомбардирала 50 точки во Кан Јунис, вториот по големина град во Појасот Газа, каде во последните 24 часа загинале 90 Палестинци, пренесува Anadolu.
Во соопштението на израелската војска се наведува дека се извршени интензивни напади западно од Кан Јунис и се тврди дека борците на Хамас и инфраструктурата во регионот се уништени.
Истакнувајќи дека 50 точки во регионот биле бомбардирани од воздух и од земја од артилериски единици за шест минути, израелската армија тврди дека овие напади биле извршени за да им се помогне на израелските војници на теренот.
Заедно со воздушното бомбардирање, израелските воени возила продолжуваат да напредуваат кон Кан Јунис од север и запад.
Овие напади врз градот Кан Јунис беа извршени неколку часа откако израелската армија објави дека тројца нејзини војници загинале, а 14 војници се повредени, од кои пет потешко, како последица на синоќешните експлозии.
Палестинското Министерство за здравство во Газа, кое е под контрола на Хамас, објави дека бројот на загинати во израелските напади врз Газа во последните 24 часа се зголемил за 90, достигнувајќи 30.410 лица.
