Израел ќе одбие да им издава визи на претставници на ОН, изјави амбасадорот на земјата во ОН Гилад Ердан, пренесоа израелските медиуми.
Одлуката е донесена откако генералниот секретар на ОН Антонио Гутереш индиректно го критикуваше Израел дека наредил евакуација на цивили од северот кон југот на Појасот Газа и рече дека нападот на Хамас на 7 октомври не се случил „во вакуум“.
„Поради неговите забелешки [шефот на ОН Гутереш], ќе одбиеме да им издаваме визи на претставниците на ОН“, изјави Ердан за Военото радио. „Веќе одбивме виза за пот-генералниот секретар за хуманитарни прашања Мартин Грифитс. Дојде време да ги научиме на мудрост“, пренесува Ал Џезира.
Albanian
English
Macedonian
Turkish
