Израел денеска нападна училиште во Газа, тврдејќи дека во него има база на Хамас, додека палестинските медиуми јавуваат дека во нападот загинале најмалку 27 лица кои таму побарале засолниште.
Исмаил Ал-Тавабта, директор на владината канцеларија за медиуми, управувана од Хамас, ги отфрли тврдењата на Израел дека училиштето за палестинската агенција на ОН за бегалци (UNRWA) во Нусејрат, централна Газа, било засолниште за база на Хамас, пренесува Ројтерс.
Окупаторите го лажат јавното мислење со измислени приказни за да го оправдаат бруталното злосторство извршено врз десетици раселени лица, изјави Тавабта за Ројтерс.
Израелската војска соопшти дека пред нападот на израелските воени авиони, војската презела чекори за намалување на ризикот од повреди на цивили.
Нападот дојде откако Израел најави нова воена кампања во центарот на Газа додека се бори со група борци кои се потпираат на тактиките на бунтовниците „удри и бегај“.
Израел соопшти дека нема да престане да се бори за време на преговорите за прекин на огнот.
