Израелската армија, наводно, предупредила околу 30 војници и офицери кои се бореле во Појасот Газа да избегнуваат патување во странство, бидејќи пропалестинските групи поднеле обвиненија за воени злосторства против нив.
Најмалку осум од нив, кои отпатувале за Кипар, Словенија и Холандија, им било кажано веднаш да ги напуштат тие земји поради страв дека може да бидат уапсени, пренесува израелскиот информативен сајт Ynet.
Израелската војска (ИДФ) во моментов не им забранува на војниците да патуваат во странство, но го проценува ризикот за оние кои служеле во Газа пред да го одобри нивното барање.
Од почетокот на војната, армијата бара војниците да не објавуваат снимки од нивните активности за време на борбите во Газа на социјалните мрежи, за да не се користат против нив за потенцијална криминална истрага во друга земја.
Новинарите кои ги покриваат војниците во Газа, исто така, беа замолени да ги заматат лицата на војниците од истата причина.
И покрај тоа, војниците продолжуваат да објавуваат видеа и фотографии на нивните лични профили на социјалните мрежи, вклучително и оние кои покажуваат кршење на воените наредби и може да бидат против меѓународното право.
