Поради пожар што избувна во воена обука во областа Кировске на Крим, повеќе од две илјади луѓе се евакуирани, а блискиот автопат е затворен, објави во средата гувернерот на полуостровот окупиран од Русија.Украинските медиуми и руските канали Телеграма, поврзани со руските безбедносни служби, јавуваат дека гори складиште за оружје по воздушниот напад на Украина во текот на ноќта.
„Планирана е привремена евакуација на жителите од четири града – тоа се повеќе од две илјади луѓе“, напиша Сергеј Аксјонов, гувернер на Крим назначен од Москва.
Серхиј Братчук, портпаролот на воената администрација на Одеса, објави две видеа од пожар во ненаселена област, со опис: „непријателски складиште за оружје, Стар Крим“.
Тоа е мало, историско место во областа Кировске, на полуостровот што беше анектиран од Русија во 2014 година.
На социјалните мрежи се шират снимки и фотографии од оган и чад, заедно со звуците од детонации. Дел од каналот на Телеграм тврди дека во 7 часот и 30 минути по локално време огнот горел веќе три часа.
Тоа се случува два дена откако експлозија го оштети мостот што ги поврзува окупираниот Крим и рускиот регион Краснодар. Рускиот претседател Владимир Путин најави одмазда за тој потег. Во текот на ноќта, втор ден по ред, Русија жестоко ја нападна Одеса.
