Автобус со украински државјани се запали на автопатот „Црното Море“ кај Варна. Во несреќата за среќа нема повредени. Инцидентот се случил околу 10 часот утринава по бугарско време. Автобусот превезувал 44 украински државјани до Камчија, објави БНТ.
Според првичните информации, пожарот избувнал од турбината на моторот на возилото. Кога избувнал пожарот, возачот веднаш го застанал возилото и патниците успеале да излезат од автобусот. Возачот се обидел сам да го изгасне пожарот, но безуспешно. На лице место се испратени 3 противпожарни возила за справување со пожарот.
Возачот на автобусот за БНТ изјави дека возилото успешно поминало на редовен технички преглед.
Поради несреќата сообраќајот на автопатот „Црно море“ беше привремено запрен бидејќи сообраќајот се пренасочуваше од мостот Аспарухов во Варна и се создаде сообраќаен метеж.
Движењето на автомобилите е веќе обновено и сообраќајот се одвива во двата правци по коловозната лента на автопатот „Црно море“ автопат во правец кон Бургас.
Украинските државјани биле префрлени во друг автобус до Камчија.
