Голем пожар избувна денеска во најголемиот забавен парк во Германија, Европа-парк, што доведе до евакуација на посетителите.
На видео објавено на социјалните мрежи се гледа црн чад од дел од забавниот парк.
Европа-парк е огромен забавен парк лоциран во градот Руст во покраината Баден-Виртемберг.
– Силно експлодираше два-три пати. После тоа пожарот се проширил – изјавил еден од очевидците за швајцарскиот портал „20min“ и додал дека луѓето се заглавиле на ролеркостерот и биле принудени да бегаат.
Причината за пожарот засега не е позната.
Паркот е отворен во 1975 година, а цената на билетот се движи меѓу 40 и 300 евра.
