Ла Фазани е победник на првото издание на „Фестивали и Кенгес“ (Festivali i Këngës) на косовскиот Јавен сервис, кој се организира како нивен фестивал за избор на претставници за Евровизија, доколку Европската радиодифузна унија (ЕРУ) одлучи да го прифати Косово како учесник на фестивалот следната година.
Песната се вика „Ој Косово“, а станува збор за енергична изведба која зборува за љубовта на пејачот кон татковината и неговиот народ.
Косовскиот премиер Албин Курти му додели трофеј на Ла Фазани – познат и како Арбер Салих.
Ла Фазани е добитник и на „Приштина авард“.
Генералниот директор на ЕРУ, Ноел Курал, му честиташе на Косово за првиот национален избор за претставник на песната на Евровизија, со надеж дека Косово наскоро ќе може да учествува на фестивалот.
