Во ризична операција, италијанската спасувачка служба спаси десетици мигранти чии чамци се превртеа при обидот од Северна Африка по море да стигнат до Европа.
Преживеаните рекоа дека околу 30 мигранти исчезнале од два превртени чамци во посебен инцидент, објави Асошиетед прес.
Два хеликоптери се бореа со силните ветрови за да извлечат по еден мигрант од водата, меѓу кои и едно дете и две трудници.
Тие чекаа два дена заглавени на стрмен, карпест гребен во близина на малиот остров Лампедуза, откако нивниот брод удри во гребен доцна во петокот.
Сите 34 мигранти кои издржаа две ноќи на гребенот беа спасени, изјави Федерико Катанија, портпарол на Групата за помош на Алпите, чиј тим учествуваше во операцијата.
Две жени, меѓу кои и една во поодмината бременост, биле прегледани од медицинскиот персонал, изјави медицинската сестра од Лампедуза, Марија Иленија Ди Паола.
Таа за италијанската државна телевизија изјави дека жените се дехидрирани и ладни, но пред се „психолошки исцрпени“.
Преживеаните од двата чамци кои се превртеа во саботата на околу 42,5 километри југозападно од Лампедуза, им кажаа на спасувачите дека околу 30 мигранти се водат за исчезнати.
Крајбрежната стража соопшти дека во две операции спасила 57 мигранти и ги извлекла телата на едно дете и една жена.
Спасените мигранти изјавија дека дошле од Сенегал, Гамбија, Камерун и Брегот на Слоновата Коска.
Двата чамци кои се превртеа на отворено море се верува дека го напуштиле туниското пристаниште Сфакс во четвртокот, кога морските услови биле добри, соопшти италијанската крајбрежна стража.
Italija spasi desetici migranti od moreto, meǵu koi ima i dve trudnici
