Повторно сум роден, изјавил патник кој требаше да биде во авионот кој се сруши вчера во близина на Сао Паоло во Бразил кога загинаа 61 патник.
Бразилските медиуми објавија разговор со патникот по име Адријано Асис кој тврди дека аеродромскиот службеник кој не му дозволил да се качи во авионот му го спасил животот.
-Кога пристигнав на аеродромот го чекав летот, но екраните не покажуваа ништо. На шалтерот немаше никој. Околу 10.41 часот дојде вработн и ми рече дека не можам да се качам на летот бидејќи помина времето за лекирање. Дури и се расправав со него, но на крајот тоа ми го спаси животот“, изјави Асис за Hoje TV GLOBO.
Освен Адријан, уште двајца патници за локалниот портал CGN изјавиле дека се изгубиле на аеродромот и затоа не можеле да се качат.
– Бев гневен тогаш, но сега знам дека повторно сум роден- рекол еден од нив.
