На социјалните мрежи се појавија фотографии од детството на легендарниот пејач Здравко Чолиќ. Во моментот на настанувањето на фотографите, Чола имал шест години, а многумина нема ни да го препознаат.
Чолиќ некогаш важеше за најголема југословенска поп ѕвезда, но и денес неговата музика е популарна и со неа растат некои нови генерации. Меѓутоа, како дете, спортувањето било многу поважно од пеењето. Беше голман во јуниорите на Железничар, а потоа се сврте кон атлетиката. Обожавал и глума, па бил примен и во сараевското Пионирско позориште. Музиката тогаш му била хоби.
Првиот официјален пеачки настап како пејач на групата „Амбасадори“ го имал во 1969 година, во која пеел две и пол години. Во 1971 година го запознава Корнелије Ковач, кој го поканил во тогаш многу познатата група „Корни“. Чолиќ полн со надеж и амбиции се преселил во Белград, но во групата „Корни“ останал само шест месеци, а на негово место дошол Златко Пејаковиќ.
Се вратил во Сараево и се одлучил за соло кариера. Така настапи на фестивалот Ваш шлагер сезоне во Сараево на 15 април 1972 година со песната „Sinoć nisi bila tu“ од Кемал Монтено. Песната требало да ја отпее Јосипа Лисац, но бидејќи таа го откажала настапот, Чолиќ ја отпеал и ја освоил третата награда и наградата за интерпретација. Песната стана голем хит низ земјава, а денес се вбројува во едни од најубавите песни на Чола.
Тој потпиша договор со „Warner Brothers“. За нив снимил четири синглови, на германски и на англиски јазик, но не сакал да се пресели во Германија, па таму завршува неговата меѓународна кариера.
Од тој момент и официјално започнува соло кариерата на Чола, која ќе ја издигне на позицијата најголема поп ѕвезда. Чола е изведувач на бројни хитови…
