Љубител на историјата купил многу стара и исклучително ретка монета на аукција во Швајцарија за 1,98 милиони евра.
Во понеделникот љубител на историјата купил златник на аукција во Женева, за што платил неверојатни 1,98 милиони евра.
Специјалниот златник од осум грама датира од антички Рим и е украсен со релјефен профил на Брут, убиецот на Јулиј Цезар. Профилот на Брут е врамен со ловорови листови, објави женевската аукциска куќа Numismatica Genevensis.
Шефот на аукциската куќа, Френк Балдачи, рече дека тие го произвеле златникот веднаш по убиството на Цезар во 44 година п.н.е. „Монетата не е направена во Рим, туку во ковачница што патувала со Брут и неговата војска, кои се обиделе да го заземат регионот по атентатот на Јулиј Цезар“, објаснил тој.
Тој додаде дека е еден од 17-те познати примероци на тие монети, поради што има посебно историско значење. „Очите на љубителите на монети светнуваат кога ќе видат таков златник, бидејќи тоа е дел од важната историја“, додаде тој.
Историскиот артефакт го купил европски колекционер, а аукцијата според аукциската куќа била доста напната. Почетната цена на златникот беше нешто повеќе од 800.000 евра, а за него се натпреваруваа осум понудувачи.
