Интересно, но невистинито – пет популарни митови за алкохолот
Постојат многу митови поврзани со консумирањето алкохол. На некои од нив им се верува повеќе од другите. Zpodzena.hr објавува пет вообичаени митови за алкохолот кои звучат интересно, но не се вистинити.
МИТ 1: Ако спијам малку, ќе го исфрлам консумираниот алкохол од телото
Токму спротивното од ова размислување – спиењето ја успорува брзината на отрезнување, бидејќи сонот го спречува разградувањето на алкохолот во крвта. Затоа, додека спиеме, на телото ќе му треба повеќе време да го елиминира алкохолот од телото. До ова откритие дошле јапонски експерти од Националниот центар за борба против алкохолизмот. Интересно е и тоа што алкохолот долгорочно влијае негативно на сонот. Луѓето кои конзумирале поголеми количини алкохол подоцна имале проблеми со спиењето, пишува Zapodzena.hr.
МИТ 2: Пиењето кафе ќе ми помогне да се отрезнам
Кафето содржи кофеин, стимуланс кој не прави будни. Сепак, кофеинот не му помага на телото побрзо да го процесира алкохолот. Научниците тврдат дека пиењето кафе наутро ќе ги влоши постоечките симптоми на мамурлак. Бидејќи кафето е диуретик, ќе ја исфрли преостанатата вода од телото, па затоа е подобро да избегнувате какви било пијалоци со кофеин. Најдобро е да пиете обична вода или мултивитамински пијалоци кои ќе му помогнат на телото да ги надополни електролитите.
МИТ 3: Ако јадам мрсна храна пред да пијам алкохол, нема да можам да се опијам
Масната храна нема да делува како сунѓер и да апсорбира алкохол. Сепак, важно е да се јаде нешто пред и за време на консумирање алкохол, бидејќи храната во желудникот ја забавува апсорпцијата на алкохолот во крвотокот, доколку алкохолот се консумира во умерени количини.
МИТ 4: Ништо нема да ми се случи ако измешам алкохол со енергетски пијалоци
Енергетските пијалоци ја менуваат перцепцијата за тоа колку навистина сме пијани, бидејќи ги маскираат седативните ефекти на алкохолот кои често ги наведуваат луѓето да престанат да пијат. Конзумирањето комбинација на енергетски пијалоци и алкохол во големи количини може да предизвика сериозни негативни последици. За да останете свесни за вашите граници и да ги избегнете можните негативни ефекти предизвикани од консумирање премногу алкохол и премногу кофеин, избегнувајте мешање на алкохолни и енергетски пијалоци.
МИТ 5: Мешањето различни алкохолни пијалоци ќе предизвика гадење
Количеството алкохол што некој го пие и времето кога го пие се поважни од видот на пијалокот што го консумира или начинот на мешање на пијалокот. Ако пиете премногу алкохол премногу брзо, може да почувствувате гадење, без разлика дали се работи за вино, пиво или тврд алкохол. За илустрација, иста количина на алкохол, односно етанол (10 g) се наоѓа во 250 ml пиво со 5% алкохол, 100 ml вино со 12% алкохол или 30 ml жестоки пијалоци со 40% алкохол. Треба да знаете и дека на црниот дроб му треба околу еден час да преработи и отстрани една единица или 10 g алкохол. Ништо не може да го забрза процесот на исфрлање на алкохолот од телото.
