Белгискиот фудбалски терминатор Ромелу Лукаку донесе конечна одлука: летово ќе се врати кај својата стара љубов Интер, и точка.
Според италијанскиот новинар Џанлука Ди Марцио, Лукаку е на само чекор до облекување на црно-синиот дрес со којшто лани го освои Скудетото, а потоа замина во Челси за 115 милиони евра.
Како што во моментов стојат работите, Интер наводно се договорил за ангажирање на напаѓачот на едногодишна позајмица. Имено, планот е клубот од Милано најпрво да понуди 5 милиони евра за позајмицата, а на крајот е подготвен да плати дури и 15 милиони.
Лукаку и Аргентинецот Дибала ќе бидат огромно засилување во нападот на Интер, па медиумите веќе отворено пишуваат дека на Интер следната година ќе му нема рамен кога ќе треба да се нападне противничкиот гол: Ромелу Лукаку, Пауло Дибала, Лаутаро Мартинез, Хоакин Кореа, Един Џеко.
Albanian
English
Macedonian
Turkish
