Италијанската полиција ја разби неонацистичката група Верволф, во превод врколак, која наводно планирала напади врз високи функционери, вклучувајќи го и убиството на актуелната премиерка Џорџа Мелони.
Членовите на групата Верволф се на возраст меѓу 19 и 76 години. Тие биле инспирирани од истоимената нацистичка организација која дејствувала на крајот на Втората светска војна.
Тие се борат за авторитарен режим заснован на „ариевската раса“. Според истрагата, преку каналите на Телеграм се планирало „поттикнување на субверзија на постоечкиот економски, социјален и правен поредок“.
Еден 19-годишен маж е меѓу 12 уапсени кои се осомничени дека го планирале убиството на Мелони.
Италијанската премиерка заедно со економист од Светскиот економски форум била меѓу целите на групата, а биле планирани и други насилни акции.
