Дани Алвеш кој беше осуден на 4 ипол години затвор поради силување на девојка во ноќен клуб во Барселона, е жив, потврдија неговите адвокати демантирајќи ги шпекулациите дека бразилскиот фудбалер извршил самоубиство во затворот.
Јавноста беше шокирана откако деновиве почнаа да се шират шпекулации дека Дани Алвеш се обидел да се убие во затворот во кој ја отслужува казната. Адвокатскиот тим на бразилскиот фудбалер реагираше со информација дека тоа се невистини.
„Тимот за односи со јавност на Дани Алвеш отккао ги контактирал адвокатите на поранешниот фудбалер, ги демантира шпекулациите што циркулираат“ – напиша бразилскиот новинар Марсело Бешлер на Твитер.
Поранешниот фудбалер на Барселона, во февруари беше осуден на 4 ипол години затвор поради силување на девојка во ноќен клуб во Барселона. Иако обвинителството и адвокатите на жртвата бараа максимална казна од 12 години затвор, па на крајот Алвеш беше осуден на 4 ипол години.
