Инфлацијата во Македонија е 19.8% и со тоа највисока во регионот на поранешна СФРЈ, предупредува ВМРО-ДПМНЕ.
Словенија има речиси двојно помала инфлација од Македонија, само 10%. Инфлацијата кај храната и пијалоците е 32.4% во Македонија, а 17.2% во Словенија.
Статистиката покажува дека во Словенија, со двојно повисоки плати, и многу посилен животен стандард, растот на цените е помал отколку во Македонија.
Иста е споредбата и со Србија, каде инфлацијата е 14% и Хрватска, со инфлација од 12.8%.
„Ова покажува дека големата инфлација во Македонија е резултат на неспособноста на владата да се справи со шоковите, но и на неработата во изминативе 5 години. Ударот доаѓа во секторот енергенси, главно со цените на струјата и на храната и пијалоците. Тоа се сектори во кои со квалитетен менаџмент би се спречила големата инфлација“, тврди ВМРО-ДПМНЕ.
