Режисерот Џастин Бароу изјави дека Метју Пери бил многу инвентивен пред камерата и дека го импресионирал уште на првиот ден од снимањето.
Тој исто така открил дека брзо знаел дека серијата ќе оствари огромен успех. Култниот ситком им донесе светска популарност на сите главни актери, од Метју Пери, Џенифер Анистон, Кортни Кокс, Дејвид Швимер до Метју Лебланк.
„На девојките им испратив порака на денот кога ја дознавме веста и таа ги уништи. Нивниот брат почина“, изјави режисерот на „Пријатели“. Потоа додал:
„Тоа е многу тажно. Сакам да остане запаметен како прекрасен актер, духовит човек и прекрасен пријател на многу луѓе“.
Режисерот не можел да ги сокрие емоциите додека зборувал за познатиот актер кој и зад сцената беше духовит токму како и славниот Чендлер Бинг, кого го глумеше во култната ТВ серија.
„Метју имаше одреден начин да преврти сè“, рекол режисерот, кој режираше 15 епизоди од „Пријатели“, истакнувајќи дека „му требаа неколку дена дури и да ја прифати“ веста дека Метју Пери починал.
„Тој беше дел од семејството и беше првиот кој повеќе не е дел од тоа семејство“, порачал тој.
Метју Пери почина во џакузито во својот дом на 54-годишна возраст. Објавени се првите резултати од токсиколошката анализа, се чекаат други тестови пред да се соопшти причината за смртта.
Познатата петорка од „Пријатели“ објави заедничка изјава за Метју Пери за „Пипл“ на 30 октомври, како што беше најавено. Еве што кажаа Џенифер Анистон, Лиза Кудроу, Кортни Кокс, Метју Лебланк и Дејвид Швимер за нивниот сакан колега и пријател со кој глумеа во ситкомот „Пријатели“ од 1994 до 2004 година.
„Сите сме целосно уништени од загубата на Метју. Бевме повеќе од колеги. Ние сме семејство. Имаме толку многу да кажеме, но токму сега ќе одвоиме еден момент да тагуваме и да се соочиме со оваа незамислива загуба. Со тек на времето ќе ви кажеме,, како и кога ќе можеме. Засега нашите мисли и љубов се со семејството на Метју, неговите пријатели и сите што го сакаа ширум светот“, се вели во пораката потпишана од Џенифер Анистон, Лиса Кудроу, Кортни Кокс, Метју Лебланк и Дејвид. Швимер.
