Според денешниот индекс на милијардери на Блумберг, шефот на Тесла и Твитер, Илон Маск се врати на врвот на листата на најбогати луѓе во светот.
На крајот на 2022 година, на тоа место беше претседателот и извршен директор на конгломератот за луксузни стоки Луј Витон Моет Хенеси (LVMH) Бернард Арно.
Богатството на Илон Маск сега е 187,1 милијарди долари, надминувајќи го Бернард Арно, чие богатство се проценува на 185,3 милијарди долари, според Блумберг.
Богатството на Маск на почетокот на оваа година изнесуваше 137 милијарди долари.
Акциите на Tesla (TSLA) драстично паднаа минатата година поради проблематичното купување на Twitter од Маск и поширокиот пад на технолошкиот пазар, но оттогаш акциите на производителот на електрични возила се зголемија.
Маск ја носи титулата најбогат човек во светот, но го држи и рекордот за најголемо богатство што некој го изгубил во историјата.
Кон крајот на минатата година, Маск стана првиот човек кој изгубил 200 милијарди долари богатство, откако неговото нето богатство падна од околу 340 милијарди долари во ноември 2021 година на 137 милијарди долари во декември 2022 година.
