Страшни вести од Брајтон. Играчот на „галебите“ Енок Мвепу мора да ја заврши кариерата на 25 години поради срцева мана.
Енох Мвепу открил дека има ретка срцева мана, поради која мора да престане да игра фудбал. Овој фудбалер од Замбија четири години играше во Австрија во тимот на Салцбург. Во 2021 година тој беше купен од Брајтон, за кого Мвепу одигра 24 натпревари и постигна два гола.
„Тој и неговото семејство имаа трауматични неколку недели и сите сме благодарни што успеа. Имаше перспективна кариера која се скратува и тој е млад. Како клуб му ја даваме сета љубов, помош и поддршка што можеме за да може целосно да закрепне. Тогаш тој ќе одлучи кои се следните чекори во неговиот живот“, изјави првиот човек на Брајтон, Тони Блум.
Енох не бил добро додека бил на пат за Африка за да се приклучи на репрезентацијата на Замбија. По извесно време поминато во болница во Мали, тој се врати во Брајтон за да направи кардиолошки прегледи. Тестовите заклучија дека има срцева мана што го спречува да се занимава со професионален спорт.
