Реал Мадрид му верува на Карло Анчелоти и не е во потрага по нов тренер. И покрај поразот од Барселона (0:4) и критиките кон италијанскиот стручњак, мадридскиот клуб не бара негова замена.
Според „Кадена СЕР“, повикувајќи се на извори во клубот, Реал Мадрид верува дека Анчелоти целосно ќе го одработи својот двегодишен договор, а Италијанецот го смета за идеален тренер за следната сезона.
Анчелоти се врати во Реал Мадрид во летото 2021 година по заминувањето на Зинедин Зидан како менаџер.
Сега мадридскиот клуб води на табелата во Ла Лига со девет бода разлика.
Реал Мадрид ќе се соочи со Челзи во четвртфиналето од Лигата на шампионите.
