Хрватската фудбалска репрезентација ја постигна првата победа на Светското првенство во Катар со 4:1 против Канада и седна на врвот во групата Ф…
Иако Канаѓаните поведоа во втората минута од мечот со голот на Алфонс Дејвис, Хрватска направи пресврт пред полувремето со головите на Андреј Крамариќ и Марко Ливаја, за потврда на победата со уште еден гол на Крамариќ на 20 минути пред крајот. . Ловро Мајер ги постигна конечните 4:1 во судиското надополнување.
Натпреварот започна шокантно за Хрватска, Канада поведе уште во втората минута. Бјукенан одлично додава, а истрчаниот Алфонсо Дејвис со глава ја упати топката во мрежата на Хрватска пред Јурановиќ за 1-0. Во 26. минута Хрватска израмни со голот на Крамариќ, но претходно во задниот дел беше Ливаја, па голот беше поништен.
Сепак, споменатото дуо и донесе пресврт на Хрватска до крајот на првиот дел. Најпрвин Крамариќ по убавата асистенција на Перишиќ погоди во 36. минута за 1-1, додека во 44. Ливај одлично шутираше од врвот на шеснаесетникот за пресврт и 2-1 Хрватска.
Отворено на двете страни, со постојани напади низ целиот терен, играта продолжи и во вториот дел. Прво се закани Осорио, додека Крамариќ имаше голема шанса во 54. минута, но Борјан спречи 3-1 на Хрватска.
Потоа малку се смири играта до 70. минута кога повторно проработи врската Перишиќ-Крамариќ. Првиот асистираше уште еднаш, а вториот се ослободи од голманот и упати прецизен удар за 3-1. До крајот на натпреварот Хрватска беше поблиску до четвртиот гол (Шанси на Перишиќ и Брозовиќ) отколку Канада на вториот. Се беше заклучено со уште еден хрватски гол во 94. минута. Мајер со гол го заврши контра нападот на голманот Борјан за конечни 4-1.
По второто коло во поредокот водат Хрватска и Мароко со по четири бода. Белгија има три, а Канада нема бодови и е единствената во оваа група која нема шанси да се пласира во осминафиналето.
Во последното, трето коло од оваа група Ф, во четврток од 16 часот играат Хрватска – Белгија и Канада – Мароко.
