Европскиот систем за брзо предупредување во трговијата со храна (РАСФФ) објави дека на 2 ноември е вратена пратка бисквити од Србија наменета за хрватскиот пазар, пренесе српска Нова. Како што е наведено на веб-страницата, причината е присуство на титаниум оксид (E171), и се нагласува дека овој производ е потенцијално опасен по здравјето на луѓето. Можните симптоми не се наведени.
Денеска РАСФФ објави дека Европската комисија за безбедност на храна усвоила регулатива во јануари 2022 година со која се забранува употреба на овој додаток во храната.
Tитаниум диоксидот е природен титаниум оксид кој е широко користен, меѓу другото, како состојка во бои, креми за сончање или прехранбени бои.
Како додаток на храна ја има ознаката Е171, а Европската комисија за безбедност на храна изјави дека постојат основани сомневања дека овој додаток предизвикува генотоксичност.
Тоа значи дека внесувањето титаниум диоксид може да доведе до промена на гените, односно човечкиот геном, што би предизвикало разни болести, па дури и рак.
Во октомври оваа година две пратки од Србија беа запрени на границата со Хрватска и со Словенија. Како што е наведено на сајтот на РАСФФ, на 18 октомври на границата со Словенија е запрена пратка замрзнати капини од Србија, поради недозволено количество на фунгицидот „ипродион“.
Во пратката капини биле регистрирани 0,023 mg/kg ипродион, а дозволената количина е 0,01 mg/kg. Стоката, наводно, била вратена на испраќачот.
На 25 октомври на границата со Хрватска беше запрена пратка со додатоци во исхраната кои наводно содржеле нелегални состојки. И таа пратка му била вратена на испраќачот.
Исто така, во септември е пронајдена мувла во сливите сливи од Србија кои биле извезени во Хрватска, потврди РАСФФ.
фото: pexels.com
