Новиот хорор-филм „Застрашувач 2“ (Terrifier 2) ги натера гледачите да повраќаат и да се онесвестат поради интензивните сцени со крв и вознемирувачки сцени, а самиот продуцент на филмот издаде предупредување за оние со слаб желудник и срце.
Филмот „Terrifier 2“ пред извесно време излезе во САД и доби доста пофалби, заработувајќи 91 отсто позитивна оценка на Rotten Tomatoes.
„Terrifier 2“ ја следи приказната за кловнот Арт, кој прогонува тинејџерка и нејзиниот брат за време на „Ноќта на вештерките“. И покрај хорор насилството, филмот доби одлични критики, а некои го нарекоа „најдобриот хорор-филм на годината“.
Сега „Застрашувач 2“ (Terrifier 2) е предложен за кандидат за Оскар.
Компанијата која го продуцирала филмот, „Bloody Disgusting“ објавила соопштение во кое наведува дека контроверзниот филм го испратиле на разгледување за престижната награда Оскар.
„Филмот којшто предизвика најмногу повраќање по „Eгзорцизам“, со најшокантни ефекти, доаѓа на доделувањето на Оскарите! Како што можевте да слушнете. Помислата дека членовите од Академијата ќе издржат екстремен, неочекуван хорор-филм којшто инаку го сметаат недостоен за себе? Тоа едноставно е премногу смешна прилика за да се пропушти“, напишале тие.
ФОТО: Инстаграм
