Жителите на Хонг Конг треба да ги обесхрабруваат пушачите со зјапање во секој што запали цигара на места каде што е забрането пушењето, предложил секретарот за здравство на градот, пишува Би-би-си.
Одговарајќи на прашања за тоа како да се создаде град без тутун, секретарот за здравство рече дека луѓето не можат да очекуваат дека полицијата ќе го фати секој пушач кој ги игнорира правилата, јавува Би-Би-Си.
Во моментов, Хонг Конг разговара за заострување на мерките против пушењето.
Како што пишува Би-Би-Си, сегашните правила забрануваат пушење во ресторани, работни места, затворени јавни места, како и одредени јавни места.
Министерот посочи дека јавноста има улога во намалувањето на употребата на тутун и дека предизвик за полицајците е навреме да ги фатат пушачите на дело.
Тој исто така истакна дека цигарите не се добри за здравјето на сите жители на Хонгконг.
„Кога ќе видите некој како пуши на недозволено место, а кога во тој момент не може да се појави полицаец, тогаш луѓето можат да зјапаат во тој пушач“, нагласува министерот за здравство.
Тој исто така предлага правилата за пушење да се применуваат како бонтон додека се чека автобусот.
Казните за прекршување на постоечките правила за пушење изнесуваат 170 евра.
Покрај новите мерки за кои размислува владата во Хонг Конг, има и забрана за купување цигари родени по одредена возраст, како и зголемување на данокот на кутиите тутун.
