Холивудската актерка Камерон Дијаз (51) и музичарот Бенџи Маден го добија своето второ дете.
Познатата двојка објави на социјалните мрежи дека добиле машко бебе.
„Благословени сме и возбудени што можеме да го објавиме раѓањето на нашиот син, Кардинал Маден. Сите сме многу среќни што е тука! За безбедност и приватност на децата нема да објавуваме никакви слики, но тој е навистина сладок. Се чувствуваме толку благословени и благодарни“, напишаа тие.
Актерката и музичарот до сега не открија дека чекаат дете, а на сличен начин на почетокот на 2020 година ги изненадија фановите со веста дека преку сурогат мајка добиле девојче по име Редикс.
„Толку сме среќни, благословени и благодарни што ја започнуваме оваа нова деценија објавувајќи го раѓањето на нашата ќерка Редикс Маден“, напишаа тогаш на Инстаграм.
Двојката започна да се забавува во мај 2014 година и се венчаа во јануари 2015 година.
ФОТО: Инстаграм
