Холивудската актерка Хилари Даф го роди четвртото дете, а трето со сегашниот сопруг Метју Кома.
Познатата актерка се породи дома и роди ќерка која го доби името Таунес Медоу Бир, а за сè ја информираше јавноста на Инстаграм. Хилари ги сподели фотографиите направени веднаш по доаѓањето на нејзината ќерка на свет и за кратко време собра над милион лајкови.
„Таунес Медоу Бир, сега знаеме зошто нè натера да чекаме толку долго… Ги усовршуваше тие образи. Сонував да те држам во раце со месеци, а изминативе пет дена откако те запознав, те гледав и мирисав беа моменти на чиста магија. Сите те сакаме како да си била овде сето ова време“, напиша Хилари Даф.
Да потсетиме, актерката и нејзиниот сопруг веќе имаат две ќерки, Бенкс и Меј, кои исто така ги роди дома во базен со топла вода, што е многу популарен тренд во странство.
Покрај трите ќерки, Хилари го има и синот Лука од првиот брак со Мајк Комри.
