Белградски Партизан има нов фудбалер од Холандија. И тоа немаше да биде некоја важна вест доколку фудбалерот не се викаше Ксандер Давид Северина.
Холандскиот фудбалер токму поради презимето кое е исто како името на познатата хрватска пејачка Северина, брзо стана хит на Балканот.
Веднаш по објавата дека Северина доаѓа во Партизан и дека ќе остане во белградскиот клуб три години, на социјалните мрежи се појавија десетици досетливи коментари.
„Донесете ни ја и Јелена Розга“, „Уште Карлеуш и тутулата е наша“, „Нова химна гас, гас“, се само дел од шеговитете коментари.
Инаку, станува збор за лево крило кое има еден настап за Курасао, најголемиот остров во Карипското Море. Северина има и холандски пасош, а минатата сезона настапуваше за холандскиот АДО Ден Хаг. Од 2021 година, тој постигна осум гола и имаше 12 асистенции во 62 настапи за тој клуб. Телеграф тврди дека Северина имал голем број понуди од други европски клубови, но на крајот решил да оди во Белград.
