Српскиот тенисер Новак Ѓоковиќ во Црна Гора ја заврши последната фаза од подготовките за Олимписките игри во Париз.
По поразот во финалето на Вимблдон, најдобриот тенисер во историјата тренираше на земјени терени во соседството, а последните неколку дена дестинација му беше Будва.
Ѓоковиќ тренираше на теренот на „Словенска плажа“, а неговото присуство привлече големо внимание.
Луѓе од сите возрасти дојдоа да го гледаат како тренира, а тој трпеливо потпишуваше автограми и се фотографираше со сите.
Олимписките игри почнуваат на 26 јули, тенискиот турнир започнува на 27 јули и ќе трае до 4 август.
Ждрепката е закажана за четврток, 25 јули.
