Русија соопшти денеска дека повторно ги истрелала своите најнови хиперсонични ракети во Украина, уништувајќи складиште за гориво на југот на земјата.
„Авијациските ракетни системи кинжал со хиперсонични балистички ракети уништија големо складиште за гориво на украинските вооружени сили во близина на населбата Костјантинивка во регионот на Николаев“, соопшти руското Министерство за одбрана.
На социјалните мрежи е прикажано видео од наводниот лет на ракетата, за што немаме потврда од ниту една страна инволвирана во конфликтот.
