Третиот најбогат човек на светот, Џеф Безос и неговата поубава половина, новинарката Лорен Санчез, ја красат насловната страница на декемвриското издание на магазинот „Вог“.
Целата кампања е направена во стилот на вестерн филмовите, а целта на декемвриското издание е да ја претстави животната приказна на Безос, која имаше големо влијание врз создавањето на компанијата „Амазон“.
Голема поддршка во животот му пружила неговата убава новинарка која е, како што изјави за „Вог“, совршена партнерка за него.
„Лорен има неверојатен ентузијазам и разбирање за другите луѓе. Таа гледа нешто што другите луѓе не го гледаат…“, вели Безос за својата сакана.
Меѓутоа, коментарите на многу следбеници на познатиот магазин на Инстаграм покажаа сосема поинаква реалност. И додека уредниците на „Вог“ пишуваат пофалби за третиот најбогат човек на светот, корисниците на Инстаграм се безмилосни во коментарите под објавата.
„Посакувам оваа фотографија да биде отстранета“, „Никогаш не сум бил повеќе засрамен од некоја фотографија“, „Смешна фотографија, „Ноќта на вештерките“ заврши“, „Ова е најморничавата објава, прекунувам да го следам „Вог“, „Би сакал Инстаграм да има филтер што ќе ми овозможи да ја блокирам секоја милијардерска ПР содржина“, велат тие.
Инаку, во интервјуто за „Вог“, Безос и Санчез зборувале за нивната врска и плановите за венчавка.
Лорен открила дали планира да го земе презимето на нејзиниот иден сопруг.
„Ух, да, 100 отсто. Со нетрпение очекувам да бидам госпоѓа Безос. Сè уште размислуваме за свадбата и како ќе изгледа. Дали ќе биде голема? Дали ќе биде во странство? Не знаеме, свршени сме само пет месеци“, рекла таа.
ФОТО: Инстаграм
