Потенцијалниот репрезентативец на Босна и Херцеговина и актуелен член на Стал Миелец Саид Хамулиќ би можел во наредниот период да го засили тимот на Тулуз.
Хамулиќ е еден од водечките стрелци во полскиот шампионат со девет постигнати гола на 17 натпревари, а неговите одлични партии привлекоа бројни екипи.
Така, според медиумите, францускиот прволигаш понудил 2 милиони евра, кои Стал Миелец ги прифатил.
Хамулиќ е роден во Холандија, но неговите родители имаат корени од Босна и Херцеговина.
Доколку се реализира трансферот, ќе се соочи со многу силна конкуренција на врвот на нападот на Тулуз. За овој тим настапуваат Вељко Бирманчевиќ, Рафаел Ратао, Јуниор Флемингс, Закарија Абухал, Адо Онаиву и Јанис Берграуи.
Кариерата ја започна во Алфенс, а настапуваше и за Гоу Ахед Иглс, Квик Бојс, Даинава, Ботев Плодив, Судува и Стал Миелец.
Albanian
English
Macedonian
Turkish
