Врховниот лидер на Исламската Република Иран, Али Хамнеи изјави дека кризата во Сирија е резултат на планот смислен во „американско-израелскиот оперативен центар“, пренесе иранската новинска агенција Тасним.
„Нема сомнеж дека настаните во Сирија беа планирани во американско-израелскиот оперативен центар“, рече Хамнеи, нагласувајќи дека соседната земја исто така одигра значајна и континуирана улога во овие настани.
Исто така, како што е соопштено, владата на Австрија започнала со подготовки за програма за депортирање бегалци од Сирија.
„Австриската влада објави почеток на подготовките за програмата за депортирање сириски бегалци, откако донесе одлука да престане да прифаќа нови барања за азил од Сиријци. Овој потег доаѓа поради тврдењата дека милиони бегалци сега можат да се вратат дома по падот на владата на Башар ал Асад“, пишува порталот Middle Eye East.
Австриското Министерство за внатрешни работи потврди дека почнало повторно да ги испитува случаите на околу 40.000 Сиријци кои добиле заштитен статус во земјата во последните пет години.
Герхард Карнер, австриски министер за внатрешни работи, ги објасни целите на оваа програма.
„Го задолжив МВР да подготви програма за репатријација и депортација за да се погрижи овој процес да се одвива на уреден начин и да се постават приоритети. Токму тоа е потребно сега“, изјави Карнер.
