Возачот на Мерцедес, Луис Хамилтон, откри како за малку му пропуштил да се појави во улога на епизода во продолжението на блокбастерот „Топ Ган“ – Маверик со Том Круз во главната улога.
Седумкратниот светски шампион истакна дека е пријател со познатиот актер, но дека поради обврските во Формула 1 не можел да ја прифати „животната понуда“.
„Тој е еден од најубавите луѓе што сум ги сретнал. Ме покани на сетот пред многу години кога го снимаа „На работ на времето“. Со текот на времето изградивме пријателство“, изјави Хамилтон во интервју за магазинот „Vanity Fair“.
Триесет и седумгодишниот Британец раскажал и како како дете го гледал првиот дел од „Топ Ган“, а на рана возраст фантазирал да стане пилот. Откако во медиумите протекоа гласини за продолжение, Хамилтон одлучи дека неговото време е дојдено.
„Кога слушнав дека ќе има продолжение, си помислив: „Ех, морам да го прашам Том за шансата да го направам тоа.“ Реков дека не ми е грижа која е улогата. Подготвен сум дури и да бидам во позадина“, изјави возачот на Мерцедес.
