Портпаролот на военото крило на Хамас денеска соопшти дека жена, Израелка која палестинските милитанти ја држеа во заложништво, е убиена во северниот дел на Појасот Газа за време на напад на израелските сили.
Тој рече дека „по повторното воспоставување на контакт со борците на отпорот кои се задолжени за заштита на израелските заложници, потврдено е дека израелска заложничка е убиена во област под силно израелско бомбардирање во северниот дел на Газа“, пренесува „Скај њуз“.
Портпаролот на Хамас додаде дека „животот на уште една заложничка е во опасност“.
Израелската армија сè уште не ги коментираше овие наводи.
