Хајдук преговара со турскиот гигант во потрага по нов играч.
Младиот лев бек на Галатасарај, Казимџан Каратас не ги оправда очекувањата со својот настап оваа сезона. Овој 21-годишник сезонава не доби многу можности, а се чини дека среќата би можел да ја побара во Хрватска.
Според Ата Селчук од турскиот медиум Хабертурк, Сплит Хајдук, кој е заинтересиран за играчот веќе извесно време, го прашал Галатасарај за условите под кои би го пуштиле Караташ. Преговорите меѓу двата клуба продолжуваат. Хајдук е во потрага по играч кој би му бил конкурент на Исмаел Диало по левата страна бидејќи Дарио Мелњак е повреден до крајот на сезоната.
Каратас оваа сезона одигра 11 натпревари за Галатасарај, а не забележа ниту гол ниту асистенција.
