Претседателот на Црна Гора и лидер на Демократската партија на социјалистите (ДПС) Мило Ѓукановиќ изјави дека формирањето на малцинска влада значи враќање на ДПС на државно-политички релевантна позиција, како преодно решение до следните парламентарни избори. објави порталот RTCG.
Следните парламентарни избори ќе значат и дефинитивно враќање на ДПС на позицијата штаб за проевропска политика во Црна Гора, изјави Ѓукановиќ во Подгорица, каде во рамки на акцијата организирана од Младинскиот совет на ДПС, предаде 1.100 членски книшки.
Тој наведе дека на претстојните избори во Подгорица повторно ќе се појави истата демаркациона линија, што ја означува поделбата меѓу оние кои ја гледаат Црна Гора како дел од Европа и оние кои се обидуваат да манипулираат со балканските општества во минатото и заостанатоста.
„Затоа не смееме да дозволиме во Подгорица да имаме дилеми околу тоа, тука мора да победи европската политика. Да не пропуштиме секој од нас да придонесе за таа победа“, рече Ѓукановиќ.
