Компанијата „Алфабет“ (Alphabet), која е сопственик и на Гугл (Google), наскоро би можела да достигне пазарна капитализација од 2 трилиони долари, најмногу благодарение на вештачката интелигенција.
Вредноста на оваа компанија сега се проценува на 1,99 трилиони долари бидејќи една од акциите вреди 160,7 долари. Пред само една недела вредеше 153,9 долари, додека на почетокот на оваа година можеше да се купи по цена од 139,5 долари.
Во претходната година вредноста на акциите на „Алфабет“ се зголеми за 51%, најмногу благодарение на инвестициите во развој на нови технологии. Деновиве скокна дополнително откако Гугл објави иновации во областа на вештачката интелигенција.
Меѓу тие иновации се чипови за вештачка интелигенција со кои компанијата директно ќе и конкурира на Nvidia. Неговото ново решение за зголемување на ефикасноста на вештачката интелигенција се вика Cloud TPU v5p и овозможува големите јазични модели да работат 3 пати побрзо од претходно.
Моделите на големи јазици (LLM) се основа за работата на чет-ботови како ChaGPT. Сепак, тука не е крајот на иновациите од Google, тој најави и процесори од новата генерација.
Освен овие технолошки решенија, за растот на „Алфабет“ придонесе и најавата за соработка со компанијата Apple, односно интегрирањето на неговиот четбот Gemini во уредите произведени од Apple.
