Многу луѓе не можат да замислат утро без кафе, некои го пијат само за доза кофеин, додека други претпочитаат да одвојат време да уживаат во овој топол пијалок.
Британскиот весник Дејли Мејл консултирал неколку експерти за да го открие најдобриот начин за подготовка на црно кафе за максимално уживање.
Иако методите на подготовка на кафе варираат, повеќето луѓе следат едноставен процес. Меѓутоа, во желбата што побрзо да се разбудат со помош на овој пијалок, тие често грешат избирајќи го најбрзиот начин на подготовка.
Најголемата грешка што луѓето често ја прават е додавањето кафе веднаш штом водата зоврие. Вистина е дека зовриената вода делумно може да го „пржи“ кафето, што влијае на неговиот вкус. Кога водата ќе зоврие, идеално е да почекате од 30 до 60 секунди, па дури потоа да го додадете кафето, пренесува Danas.rs.
Квалитетот на водата варира во зависност од локацијата, што може да влијае и на вкусот на кафето, па експертите препорачуваат подготовка на кафе со филтрирана вода. Врската помеѓу кафето и водата е исто така клучна – оптимално е да користите 70 g кафе на литар вода.
