Градоначалникот Тозиевски денеска во големата Сала на Општина Ресен ја одржа најавената средба со стопанствениците од Ресен и Преспа.
На истата беше разговарано за повеќе теми, како и за актуелната состојба со која се соочуваме сите поради новонастанатата економска криза.
На оваа средба потенцирав дека Општина Ресен со своите органи и јас како Градоначалник, стоиме на располагање во секое време за сите проблеми и предизвици со кои се соочуваме.
Целта на оваа средба беше заеднички да направиме една цврста комуникација помеѓу стопанствениците и Општина Ресен како институција, се со цел за полесно и побрзо изнаоѓање на решенија за проблемите.
