„Морам да ви ја кажам вистината и можеби ќе бидете полни со енергија бидејќи нема шанси да добијам 40 отсто од гласовите. Јас сум тој што те штити. Тоа се луѓето кои ќе ве уништат и имате 60% од Евреите во суштина гласаат за тоа“.
Вака американскиот претседателски кандидат Доналд Трамп со горчина им се пожали на еврејските донатори дека мнозинството Евреи гласаат против него на претседателските избори во САД, сугерирајќи дека Демократската партија чува „проклетство за вас“, пишува „Гардијан“.
Тој исто така тврдеше дека Израел „ќе престане да постои“ во рок од две или три години ако тој не победи на изборите.
Некогашниот американски претседател и актуелен кандидат ова го изјави за време на говорот во четвртокот на националниот самит на израелско-американскиот совет во Вашингтон, каде што со преувеличување предупреди дека победата на неговата противкандидатка Камала Харис ќе резултира со бришење на Израел од картата.
Тој ja критикуваше Харис, која во моментот е потпретседателка на САД, за начинот на кој администрацијата на Џо Бајден се справува со војната меѓу Израел и Хамас и за, како што ги нарече антисемитски протести на колеџските кампуси и на други места.
– Камала Харис не направи апсолутно ништо. Таа не крена ниту еден прст за да ве заштити вас или да ги заштити вашите деца – рече Трамп.
Тој ја повторис војата поента дека на Евреите кои гласаат за демократите „треба да им се испита главата“.
– Ќе ви кажам многу едноставно и нежно. Навистина не сум бил третиран како што треба. Но, вие не сте третирани како што треба затоа што се ставате себеси во голема опасност, а и САД не се третирани како што треба.
