„Доколку јас бев во затвор, би сонувал да му се придружам на „Вагнер“ за да го отплатам мојот долг кон татковината. Или ќе бидат приватни воени компании и затвореници или вашите деца, одлучете сами“.
Вака напиша Евгениј Пригожин, познат како „готвачот на Путин“ на Телеграм, откако вчера беше објавена снимка како тој зборува пред група затвореници ветувајќи им дека ќе бидат слободни по шест месеци служба, а доколку решат да се вратат ќе бидат ликвидирани.
Групата „Вагнер“ е платеничка група која се бори во Украина од 2014 година, а имаше удел во неуспешниот атентат врз Зеленски во првите денови од војната и други операции.
Кремљ смислува начин како да го пополни недостатокот од војници, особено во делот на пешадијата, а младите Руси се незаинтересирани да служат.
