Следната недела треба да се очекува поскапување на горивата и во Србија поради зголемувањето на акцизата за осум отсто, почнувајќи од 1 октомври, изјавија за Бета сопственици на бензински пумпи.
Според сопственикот на бензинската пумпа Небојша Атанацковиќ, продавачите на горива во овој момент не можат со сигурност да тврдат дали дел од зголемената акциза веќе е вклучена во цената на дизелот, кој минатиот петок, на 29 септември, скокна за три динари или. дали тоа е само по основ на поскапување на суровата нафта, но извесно е дека цената не се зголемила за целиот износ на зголемената акциза.
„Акцизата ја плаќа производителот или увозникот, а тој вид на данок ќе треба да и го плати на државата од 1 октомври кога стапува во сила Уредбата за зголемување на акцизата. Засега не знаеме дали поскапувањето на дизелот за три динари минатиот петок е предизвикано од поскапувањето на суровата нафта или акцизата, бидејќи само производителите и увозниците знаат по која цена набавиле нафта, но извесно е дека Европа нема доволно нафта и дека цената расте“, рече Атанацковиќ.
Владата на Србија донесе Уредба за осум отсто зголемување на акцизите за нафтени деривати, алкохолни пијалоци, тутун и кафе, која стапи во сила од вчера. Во петокот на 29 септември дизелот во Србија поскапува за три динари и наместо 211 динари чини 214 динари за литар, а бензините поевтини за еден динар, а наместо за 192 динари чини 191 динари.
Атанацковиќ рече дека поради зголемувањето на акцизата за осум отсто, цената на дизелот треба да биде повисока за 4,8 динари, а на бензините за 4,6 динари, а кога ќе се вклучи данокот на додадена вредност, цената на дизелот да биде нешто помала од шест динари, а бензинот нешто повеќе од пет динари, само по таа основа.
Тој додаде дека овој трошок на крајот ќе го платат потрошувачите преку малопродажната цена бидејќи производителот или увозникот секако ќе го вклучат во цената, тоа е само прашање на денови.
И сопственичката на пумпите „Авиа“, Јелена Радун, оцени дека во цената на горивото минатиот петок не е вклучена висината на поскапувањето на акцизата и дека тоа може да се очекува следната недела.
