Шпанскиот чувар на мрежата на Манчестер Јунајтед, Давид де Хеа, одби да ја продолжи соработката со клубот од „Олд Трафорд“, пренесуваат денеска медиумите во Шпанија.
Тренерот Ерик тен Хаг е задоволен од настапите на 32-годишниот Де Хеа оваа сезона и побарал од клупското раководство продолжување на договорот, но Шпанецот ја одбил понудата да потпише нов договор која вклучувала намалување на платата.
Де Хеа со неделни примања од 425.000 евра е меѓу најплатените фудбалери во Премиер лигата.
Шпанскиот голман дојде во Манчестер Јунајтед во 2011 година и има договор до крајот на сезоната.
