Во Нови Сад ноќеска околу 2 часот и 30 минути избувнал голем пожар во семејна куќа на раскрсницата од улицата Ѓорѓа Дера и улицата Давид Рацковиќ во населбата Салајка. Како што пренесува Телеграф, најмалку шест лица загинале, но потрагата по телата продолжува.
Брзата помош интервенираше околу 2 часа и 54 минути. Немаме информации за точниот број на загинати бидејќи е тешко да се утврди“, изјави за Танјуг Зоран Круљ, портпарол на Брзата помош.
Според првичните информации загинало шестчлено семејство. Телеграф јавува дека жртвите се родителите и четирите деца.
На терен се полицијата, пожарникарите и брзата помош. Полициската истрага е во тек. Според првичните информации, се сомнева дека пожарот избувнал поради електрични инсталации, односно електричен велосипед кој бил на полнач.
„Видов дека гори. Почнав да ги довикувам, но не ме слушнаа“, изјави за Телеграф првиот сосед на семејството на жртвата. Инаку, Салајка е една од постарите области на Нови Сад.
